АКЦИЈА ЗА ЗАТВАРАЊЕ НА ЗОО - СКОПЈЕ

БАРАМЕ ИТНО ЗАТВАРАЊЕ НА ЗООЛОШКАТА ГРАДИНА ВО СКОПЈЕ. БАРАМЕ РЕЛОКАЦИЈА И РЕХАБИЛИТАЦИЈА НА СИТЕ ЖИВОТНИ! БАРАМЕ ОДГОВОРНОСТ ЗА СИТЕ ДОСЕГА ЗАЛУДНО ИЗГУБЕНИ ЖИВОТНИ !!! Оваа петиција нека биде прв чекор да се спротиставиме на заробениот живот и ужасната глетка која го нуди Зоолошката градина во Скопје.

- Познатата жирафа Каспер почината како последица на инфекција од бактеријата салмонела естеридис.
- Жирафа Флопи почината како последица на малиген тумор на епителот на жолчните канали во црниот дроб и метастази на белите дробови.
- Почината и жирафата Тобого.
- Минатата година починати дури осум животни. Угинале тигрица, лемури, прежавелски коњи, црн лебед, многу пингвини, џуџеската коза, а сега и слоницата Дуња која беше видно измачена и преслаба.
- Во претходните години биле заклани дури 10 коњи со образложение дека биле болни.
- Починати и трите ретки т.н прежавелски коњи, а сомнежи имало дека биле намерно отруени.

*ЗОО СКОПЈЕ НЕОДАМНА ГО ИЗГУБИ СТАТУСОТ НА ЧЛЕНКА НА ЕВРОПСКАТА АСОЦИЈАЦИЈА НА ЗООЛОШКИТЕ ГРАДИНИ И АКВАРИУМИ.

Никакви услови, несоодветен простор, измачување, ужасна смрдеа, крици и плач кој се слуша постојано од зад решетките е секојдневната слика во Зоолошката во главниот град Скопје. Таа треба да биде едукативна, забавна и интересна, а не простор кој наликува на затвор каде што се гледаат само тажни животни, некои дури и агресивни од постојано затворениот простор, болни, слаби, измачени, без живот во нив го дочекуваат со маки секој ден како казна поминувајќи го времето само во спиење во прашина, кал и измет.